Plantun de Prouvènço

Pèr coumpara dos planto d'encò nostre

Asperugo procumbens & Ornithopus compressus

Rapeguiéu

Asperugo procumbens

Boraginaceae

Àutri noum : Rapego-man, Rapequiéu.

Noms en français : Râpette, Portefeuille.

Descripcioun :
Lou rapeguiéu (noum generi), trachis dins lis escoumbre e li cast de fedo. Es uno planto ramificado cuberto de péu à crouchet sus li cambo coume li fueio. Li flour, pichouneto, soun d'un blu que tiro sus lou vióulet. Se recounèis subretout emé si fru en boursoun plat e denta ("calice" acreissènt) - vèire li fotò.

Usanço :
Li jóuini fueio soun manjadisso cuecho. Proche dóu bourrage, pèr d'ùni, n'en a li mémis usanço : es uno planto bono contro lou tussi e lou raumas. Lis estùdi d'aro monstron d'ùni prouprieta anti-bateriano e sedativo.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Asperugo
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à avoust

Liò : Escoumbre e proche dis oustau - Cast
Estànci : Mesoumediterran à Subaupen
Couroulougi : Paleoutemperado
Ref. sc. : Asperugo procumbens L., 1753

Canitorto

Ornithopus compressus

Fabaceae Leguminosae

Àutri noum : Pèd-d'aucèu, Pèd-de-gus, Erbo-ruco, Amarun, Cauliho.

Noms en français : Ornithope comprimé, Pied d'oiseau comprimé.

Descripcioun :
La canitorto flouris à la primo dins li relarg séusous. Es uno planto que rebalo au sòu e que pòu curbi de gràndi surfàci. Se recounèis à si flour jauno groupado, à si fueio que caupon de 7 à 18 paréu de fuioun e subretout à si fru croucu que dounon d'èr à un pèd d'aucèu.

Usanço :
Mesclado à la farino, la grano douno d'amarun au pan ; d'ounte soun noum (Diciounàri d'Honnorat).

Port : Erbo
Taio : 10 à 50(100) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Ornithopus
Famiho : Fabaceae
Famiho classico : Leguminosae

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Noun

Liò : Terraire safrous - Tepiero seco
Estànci : Termoumediterran à Coulinen
Couroulougi : Pancaro entresigna
Ref. sc. : Ornithopus compressus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperugo procumbens & Ornithopus compressus

ges

Coumpara Rapeguiéu emé uno autro planto

Coumpara Canitorto emé uno autro planto